2017年3月23日 星期四

回味日本浜燒食堂

上星期啱啱響沖繩番港,食到唔少人氣餐廳,沖繩四面都係海,漁人得利,食海鮮最正,果邊好多浜燒店。
番到香港,友人話呢期興食浜燒,反正我都想試下香港嘅居酒屋水準係點,膽粗粗一試啦!
 
朋友平時係搵食兵團,今次約響尖沙咀諾士佛臺附近,正於happy hour,果度好人山人海,穿過D bar,行到街尾,見到呢間浜燒喇!潢裝都幾日本feel,有個小魚池。
 
 
Menu食品都幾多款,有沙津小食、燒物、刺身等。
二話不說我地見到有活龍蝦浜燒,就揀個貴嘅套餐試下。
 
套餐由前菜、燒物、煮物、麵飯都有。
前菜係鳥刺身,即係雞肉有少少smoky咸咸地,試左一片,未接受到佢~
 
店員走黎話有個facebook活動,like就可以玩一手捉蝦,捉到幾多就送比我地食,咁so梗係玩啦!
 
朋友手大,一手捉左9隻,勁!
店員介紹一半燒、一半刺身,D蝦好大隻、多膏,刺身同燒都好正!
 
再黎係清酒煮大蜆~
 
主角出場!套餐好豐富喔,有一隻龍蝦、帶子、蟹腳、羅甲、大蜆、日本腸仔。
喺日本好多居酒屋有浜燒,浜燒意思係漁民出海捕捕獲豐富海鮮,回去即燒即食!
 
 
浜燒通常係師傅幫我地燒,其實燒都有技巧,海鮮過火就會老,咁大既凡立貝最啱用牛油或清酒煮,夠爽口彈牙﹗

本人麻麻地蟹腳,朋友食哂,佢話都夠飽肉,但味道唔夠。
 
我最期待既活龍蝦呀,真係原隻燒!!
另一款套餐係食活鮑魚。
 
你睇幾多膏﹗愛膏者萬歲啦﹗
海鮮呢家野,唔新鮮一定做唔到浜燒,堅食到海水味,肉質夠彈,膏夠甘香。
 
你款羅甲係必試,即係蟹膏呀,燒左再夾餅食,膏味無限呀,滿分﹗

 
食到咁上下,再飲下酒都飽飽地,最後加個茶漬飯作ending,個茶可以熱番少少更好,而家就成個飯凍冰冰左。

整體黎講都好夠gimmick,環境潢裝都好有日本feel,食物都夠新鮮,由其係隻龍蝦,令我地回味無窮﹗


info:
秋田浜燒
尖沙咀諾士佛臺
龍蝦浜燒二人前 HK$1,500 + 10%





沒有留言:

張貼留言