2020年2月7日 星期五

長食長有高質放題

已經食過N次滿屋,因為我覺得最有保證,食咁多次都冇失望!



頭盤緊係黎個刺身
拼盤啦,有齊晒我最鍾意食嘅三文魚、赤貝、帆立貝、蝦等等!刺身蝦非常大隻,而且都幾新鮮!encore左兩次!



熟食選擇有很多,特別喜愛燒蝦,隻隻有我隻手咁大隻,食多幾隻基本上已經大回本啦!另外我幾鍾意燒牛舌、炸蝦天婦羅等,臨尾我地仲叫了蟹粥,我地非常滿足呀!





最正係呢度嘅酒水飲品任飲,好少有放題可以任飲梅酒同埋清酒,啱晒我哋呢啲把酒談心嘅女士,又可以邊食邊飲酒,夫復何求。