Smalleryip's little things

2015年11月22日星期日

捲出自然空氣頭 ♥ 超易用Philips ProCare自動捲髮器

還有個多月就到聖誕喇，隨之而來仲有除夕、新年，近年尾就特別多派對、annual dinner啦，點可以唔打扮得靚靚喎，講到扮靚梗係要由頭到腳都要汁汁啦，除左揀件party dress、化個靚妝之外，髮型嘅配合都好重要架！

講真，要我揀頭、衫、妝嘅難度，我一定會話係頭！著衫可以去fitting時問下人意見，自己著得啱唔啱身；化妝可以去下counter問下d BA點化，又或者上YouTube睇片學野；但同自己set頭真係有D難度（一來我無後眼），而且髮型設計同捲鬈拉直都需要工具，真係好難handle呢～

好似我呢D中短長度、唔長唔短嘅髮型，睇上去日日如是，又無乜變化，都幾沉悶下架，所以屋企一定要有番唔少嘅造型工具先可以打破沉悶呀！

之前嘅post都介紹過唔少髮型工具，有直髮夾啦、捲髮棒啦等等，功能都各有所長，今次PHILIPS啱啱出左新品ProCare自動捲髮器 HPS940，齋睇外型夠哂cyber、設計新穎又安全，好想同大家分享下呀！

如果你玩過呢個款嘅捲髮器就應該唔太陌生喇，哈哈，我叫呢種捲髮器做「食髮機」，比起舊式一支棒果款，呢種棬髮器會更快捷、安全、多變化！

PHILIPS ProCare自動捲髮器捲筒用鈦金屬陶瓷塗層，可以確保熱力平均又不傷髮絲。

用法好簡單，呢個圓圓地就係部機嘅靈魂，將D頭髮放入去個丫叉口，再按個制，一條完美嘅曲髮就搞掂！

機身棒型部份就係操作按紐，按紐分五部份，由下而上分別係開關制、溫度制、時間制、鬈曲方向制、啟動制。

Power on（白燈已著）後只需30秒就已經可以用得，鬈髮前set好哂溫度、時間同方向就可以放入頭髮喇。

溫度同時間有3種程度選擇，簡單黎講，時間越耐、溫度越高，頭髮就會越鬈喇！

另外，正版正貨嘅插頭係3腳頭，用都用得安心啦。

盒入面仲有保養書、說明書、造型輔助夾、清潔綿。

我都係第一見呢個專用清潔綿（其他同類品牌無嘅），放佢入機心入面，D頭髮絲就可以痴番出黎，唔洗塞住部機，乾淨又衛生，又幾貼心嘅設計！

第一次玩部機嘅效果都幾好喎~

Hair demo:

Time : 8 seconds

Temp: 170 degree

番工前試玩下，出門前用左5分鐘變髮，就有呢個空氣鬈髪效果喇，非常滿意呀～

真係無乜難度，唔洗驚唔識用，簡單幾下個look就唔同哂！下次再分享下用美髮造型同用法心得啦^^

☆Ⓣⓗⓐⓝⓚ Ⓨⓞⓤ☆♥

歡迎邀約合作試用、出席活動

♥SmallerYip's little things
Mail : smalleryip@hotmail.com
Facebook: www.facebook.com/smalleryipyip

★ theZtyle
★iTrial.hk ★She.com
★Fashion& Beauty
★Qooza ★uBeauty
★beautyexchange ★Ellehk

是次產品/產品資料由品牌提供, 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

2015年11月16日星期一

我的Clinique心水聖誕禮品套裝

仲有個半月又到聖誕啦，大家準備好聖誕禮物未呢，講到聖誕禮物，梗係要諗下送咩比自己同好友之外，抽獎禮物一定唔少得啦，早前被邀請到Clinique活動，一於早D預覽一下有咩精選禮品先！

不得了，不得了呀，門口已經放哂好多款聖誕禮品套裝喇～

精明嘅你，每年等聖誕禮品套裝必定慳唔少架，因為通常set裝都會多D折，又有靚靚嘅化妝袋或限量版喎，真係零舍吸引！

Clinique出聖誕禮品套裝都幾多款喎，日常保養、特別護理、化妝品、身體乳液同香水都有呀！

我行左一round，揀左幾款心儀又超值嘅聖誕禮品套裝引下大家先，嘻嘻～

桃紅色限量版洗面機＋step 123（$910）。

波淨透潔膚儀組合包括:

♦ Sonic System Purifying Cleansing Brush

(Holiday Limited Edition)

聲波淨透潔膚儀 (聖誕限量桃紅色或湖水藍色)

♦ Foaming Sonic Facial Soap

溫和泡沫潔膚液 (30ml)

♦ Clarifying Lotion Twice A Day Exfoliator #2/ #3

溫和潔膚水2號 /3號 (60ml)

♦ Dramatically Different Moisturizing Lotion+/ Dramatically Different Moisturizing Gel

升級特效潤膚露+/ 特效爽膚啫喱霜 (30ml)

♦ Travel Brush Case

潔膚儀收納盒

平時單買部機都要呢個價錢，而家呢set好超值！

Repairwaer Laser focus 套裝（$790）

激光修護精華套裝包括：

♦ Repairwear Laser Focus Smooths, Restores
升級版激活激光修護精華(50ml)

♦ Repairwear Uplifting Firming Cream

激活提升緊緻面霜(15ml)

♦ Repairwear Laser Focus Wrinkle Correcting Eye Cream

激活激光修護眼霜(5ml)

♦ Chubby Stick Intense Moisturizing Lip Colour Balm – Curviest Caramel

滋潤出色唇膏筆(1.2g)

♦ Cosmetic Pouch

精美紫色化粧袋

抗衰老系列首選呢set呀，有齊哂精華、眼/面霜，仲送多支唇膏筆。

皇牌3 Step基本組合套裝（$690）

皇牌基本護膚組合 (乾性至混合性偏乾皮膚)包括:

♦
Liquid Facial Soap Mild
溫和洗面液 (200ml)

♦ Liquid Facial Soap Mild溫和洗面液 (30ml)

♦ Clarifying Lotion Twice A Day Exfoliator #2
溫和潔膚水2號 (200ml)

♦ Clarifying Lotion Twice A Day Exfoliator #2
溫和潔膚水2號 (60ml)

♦ Dramatically Different Moisturizing Lotion+升級特效潤膚露+ (125ml)

♦ Dramatically Different Moisturizing Lotion+升級特效潤膚露+ (30ml)

♦ Moisture Surge Extended Thirsty Relief
深層特效水嫩補濕霜 (15ml)

♦ Chubby Stick Moisturizing Lip Colour Balm - Mega Melon

滋潤亮彩唇膏筆 (1.2g)

呢set唔介紹唔得呀，step 123用左幾年，平時買裝3支都唔止呢個價，而家聖誕set仲送多 travel set同唇膏，點都要入定貨呀！

緊緻亮眼修護套裝包括：

♦ Smart Custom-Repair Eye Cream

智能修護活肌眼霜 (15ml)

♦ Sculptwear Lift & Contour Serum

緊緻輪廓塑顏精華 (8ml)

♦ Sculptwear Contouring Massage Cream Mask

緊緻輪廓塑顏按摩面膜 (15ml)

♦ Repairwear Uplifting Firming Cream

激活提升緊緻面霜 (7ml)

♦ Cosmetic Pouch

精美白色化粧袋

年尾年頭多假期，玩夜左出現熊貓眼就弊喇，呢set係折得最多嘅Xmas set，差唔多有55%㗎！

今年Clinique 仲出左3款化妝palette，分別係8色日夜眼影盒、8色唇膏盒同3色眉粉盒，見D色都好易carry，party轉妝話咁易啦！

☆Ⓣⓗⓐⓝⓚ Ⓨⓞⓤ☆♥

歡迎邀約合作試用、出席活動

2015年10月26日星期一

給友人的一份心意 SK-II聖誕限量版神仙水

眨眨眼還不到兩個月就到年尾喲，每年最期待的當然是年尾的花紅、長期假期、還有我喜歡的聖誕節!

人大了，親朋好友的組合也多了，記得小時候只會跟家人來個小小的派對，但現在家人、朋友、同事的派對也排得滿滿的，我那班"少女時代"、"同窗好友"和"七咀八舌" 群組已經密謀一連串給大人小朋友的歡聚活動，哇啦~ 訂餐廳、預食物、買禮物.......事前的功夫真是應接不暇啊。

每年聖誕，我例必為我的家人好友準備一份窩心的小禮物，說真的，買東西不麻煩，但送出自已的心意卻要花一點腦根。幸好，很多品牌也在聖誕推出特別優惠套裝，那讓人花錢也花得開心得多呢~

早前出席了SK-II的聖誕發佈會，讓人期待的2015年的聖誕限量版和套裝優惠，今天可以率先預覽啊!

每次到SK-II的活動也看得出它們的心思，一進場像進入了花花世界，餐廳佈置了女生最喜愛的紅玫塊、蝴蝶、鳥籠。

令我吸睛的當然是今年聖誕限量特別版的設計啊!

聖誕限量特別版的設計只在SK-II的皇牌護膚精華找到，今年的主題是Wings of Change，SKII 為聖誕佳節而特別設計的3款帶有蝴蝶及雀鳥圖案的限量版神仙水 :

紅色代表堅持

粉紅色代表鼓勵

藍色代表勇氣

送出一份禮物，也同時帶出我的祝福寄語，很有意思吧!

我心儀的又豈止聖誕限量版護膚精華呢，SK-II還推出很多的聖誕優惠套裝，趁著佳節來到，我總有多多藉口可以以優惠價錢買禮物給自已和好友啊，讓大家也感受改變 (肌膚)命運的奇跡 Change destiny! !

遲些再跟大家分享多些節日優惠套裝吧!

☆Ⓣⓗⓐⓝⓚ Ⓨⓞⓤ☆♥

歡迎邀約合作試用、出席活動

2015年9月16日星期三

水噹噹韓妝 LUNA大玩雙色妝品

Hello~ 韓國化妝真係大熱呀，品質好、價錢又親民，今次收到LUNA一系列既彩妝產品，一於開黎試下先!

去開泡菜國嘅朋友都認識LUNA啦，佢響韓國好hit架，連get it beauty同唔少model都有介紹過。

今次由底妝玩到眼唇妝，簡單輕易打造韓妹look！

無論化咩妝，底妝都係最重要既環節，一個好既容妝，一定要輕透薄，又唔可以脫粉!

LUNA高水份精華粉底霜又稱爆水粉底!! 蘊含 60%未經稀釋既水份精華，營造無形既保濕屏障，長效保濕。

呢盒爆水粉底真係名不虛傳，白色部分係壓縮咗嘅水份，肉色部分就係粉底。

用時將粉撲輕輕按壓，就可以有爆水效果！

一塗一抺再撲兩下就OK，coverage都好高下，連暗瘡印都遮到！

LUNA高水份精華粉底霜顏色偏白少少，但補濕度非常好，又唔易脫粉。

若果平時只劃眼線覺得悶悶地，不如試下LUNA嘅雙色眼線筆！

一支筆有兩頭，分別配搭左一深一淺嘅顏色，一開出黎見到顏色好靚又易用喎！

4支雙色筆已經有8隻顏色啦，可以大玩眼妝！

每支眼線筆都有少少閃粉，而且筆咀好順好滑，唔會卡住卡住。

今次試下淡粉紅色眼妝先，先用較深色筆頭劃，沿住上眼線一take過劃一筆，再用另一邊淡色喺下眼角1/3位同眼頭輕輕補少少，因為有閃閃效果，咁對眼會精靈D喇！

平時化妝塗粉會專登塗埋咀唇，之後再用唇膏會更靚呀！

今次就唔用唇膏，試下唇彩先，LUNA雙色唇彩屬於candy色，少女們見到一定大愛啦！

其實一支兩頭分別有Tint同Gloss架，Tint就係幫咀仔上色，比唇膏更持久，Gloss就係閃令令嘅唇彩，打造性感小咀嘅秘密！

其實3款雙色唇彩嘅顏色唔算深色，都偏向少女系列嘅甜心糖果色，今次一於試下最深色嘅紅加粉紅同橙加杏先！

先用紅色Tint填滿咀唇，Tint會比較水D同乾D，咁先做到不脫色同持久效果呢，之後再用另一邊嘅粉紅Gloss，一塗已經有水潤感！

我都幾鐘意橙色唇膏，因為橙色好有朝氣呢，呢支橙色偏向螢光橙，再加埋杏色Gloss就剛好balance番！

第一做LUNA妝品覺得唔錯呢，由其係佢皇牌爆水粉底呀，有種韓妝嘅水噹噹效果，love it！

☆Ⓣⓗⓐⓝⓚ Ⓨⓞⓤ☆♥

歡迎邀約合作試用、出席活動

訂閱：文章 (Atom)

2015年11月22日 星期日

捲出自然空氣頭 ♥ 超易用Philips ProCare自動捲髮器

2015年11月16日 星期一

我的Clinique心水聖誕禮品套裝

2015年10月26日 星期一

給友人的一份心意 SK-II聖誕限量版神仙水

2015年9月16日 星期三

水噹噹韓妝 LUNA大玩雙色妝品

2015年11月22日星期日

2015年11月16日星期一

2015年10月26日星期一

2015年9月16日星期三